លោកអ្នកភាគច្រើនដែលធ្លាប់ប្រើប្រាស់សារអេឡិចត្រូនិច ច្បាស់ជាស្គាល់ Yahoo mail ជាក់ជាមិនខាន។
អ្វីដែលខ្ញុំមិនពេញចិត្តចំពោះ Yahoo គឺថា វាមិនអនុញ្ញាតឲ្យប្រើប្រាស់កម្មវិធីអ៊ីម៉ែលដូចជា មយូរា ដើម្បីភ្ជាប់ និងមើលសារក្នុងប្រអប់សំបុត្រយើងបានឡើយ ដូចនេះអ្នកត្រូវបើកវែបសាយ Yahoo ដើម្បីពិនិត្យមើលសារក្នុងប្រអប់សំបុត្រអេឡិចត្រូនិចរបស់អ្នក។ ប៉ុន្តែសំរាប់កុំព្យូទ័រ យើងអាចកម្មវិធីជំនួយដូចជា YPOP (Freeware) ដើម្បីប្រើប្រាស់បានជាមួយកម្មវិធីអ៊ីម៉ែលទាំងនោះបាន។​ ជាអកុសល សំរាប់ទូរស័ព្ទនៅមិនទាន់មាននៅឡើយទេ។

តើអ្នកកំពុងប្រើប្រាស់ Office 2007 ឬ ធ្លាប់ប្រើប្រាស់ដែរឬ​ទេ? វាមានការពិបាកគួរសមដែរ ហើយចំពោះអ្នកខ្លះវិញ គឺយ៉ាប់ខ្លាំងតែម្ដង។
ប៉ុន្តែឥឡូវនេះ លោកអ្នកមានជំនួយការហើយ ។ UBitMenu គឺជាកម្មវិធីសំរាប់ Office 2007 ដែលនឹងបង្កើតបន្ថែមនូវ menu របស់ Office 2003
ដូចនេះលោកអ្នកនឹងមានភាពងាយស្រួលក្នុងការស្វែងរកអ្វីដែលលោកអ្នកចង់រក។

ជាទូទៅអ្នកដែលប្រើប្រាស់ Office 2003 មិនអាចបើកមើល កែ ឬរក្សាទុកឯកសារជាប្រភេទ Office 2007 បានទេ។
ប៉ុន្តែឥឡូវនេះ Microsoft បានចេញនូវ tool មួយដែល​ជួយឲ្យអ្នកប្រើប្រាស់ Office 2003 អាចបើកមើល កែប្រែ និងរក្សាឯកសារជាប្រភេទ Office 2007 ។
នេះជាកង្វល់មួយដែលមនុស្សមួយចំនួនព្រួយបារម្មណ៍ដោយសារតែពួកគេមិនអាចបើកមើលឯកសារប្រភេទ Office 2007 បាន ហើយពួកគេមិនមានបំណងនឹងប្រើប្រាស់នូវ Office 2007 ពីព្រោះថាការប្រែប្រួលដ៏ច្រើននៃរូបរាង (Interface) ពិបាកក្នុងការប្រើប្រាស់និងរៀនប្រើប្រាស់ផងដែរ។